العقل زينة

مرات بتحس حالك كرهان حالك وكرهان الدنيا بس ما بتعرف ليش .حسب علماء النفس يلي هني أذكى مني ومنك .فكر كومفوشيوس بها لموضوع وطلع بفكرتين .أسباب الإحساس بالتعب النفسي دون معرفة السبب الها سببين:
1 – ممكن انو انت من فترة صابك مشكلة وكان لازم تأثر عليك وأنت بوقتها لازم تكون اتأزمت نفسيا وعطيت المشكلة حقها من الشعور بالتعب والارق وهلق عم تعوض الارق والتأثر بالأزمة (إن تأتي متأخرا أحسن من عشرة على الشجرة مو هيك المتل)
2 – انو انت بتعرف و متأكد انو مستقبلا رح تصيبك مشكلة أو شي رح يضايقك وأنت من هلق بتبلش تتأثر نفسيا على مبدأ (خير البر عاجله)
لانو نحنا بطبعنا منستعجل كل شي فكيف اذا كان الموضوع فيو مشكلة لانو اذا كان في شي بيفرحنا ورح يصير مستقبلا منحاول ما نفكر او نحكي فيه ليش؟ لانو منخاف يصير شي وماتزبط الفرحة
هيك حياتنا وهيدا اسلوبنا وشكلنا مارح نتغير