في موضوع شاغل المجتمع الشرقي كلو عموما والعربي خصوصا هو موضوع مساواة المرأة مع الرجل وكل النساء عنا عم تطالب بالمساواة .طيب تعالوا نفكر شوي والحكي هلق موجه للنساء :يا نسوين (جمع نساء بس هاد مو جمع تكسير هاد جمع طحبشة) انا رح احكي عن حقوقكن وانتي قولي اذا ناقص شي من حقوقك اول الشي التعليم ,حسب الاحصائيات انو جامعة تشرين بضم بحدود 53% من طلابها بنات .الحق التاني هو العمل, يعني انا برأيي ماضل غير رئاسة الدولة يلي ما وصلتولها لك حتى الجيش انحشرتوا فيه ,البنات بتدرس بالكلية الحربية متل الشب بس بعد التخرج ليش البنت بتروح على اماكن ادارية ومكتب وسيارة وراتب متل الشب وعساكر بالخدمة وكأنها ضابط عادي بس الشب بيروح على القطع العسكرية بالصحرى وبيلتعن ابو يلي خلفو من الصبح للمسا وكل يوم لحتى يتسرح طيب هاد شو اسمو مو ظلم وحق زايد عن الطبيعي .حق الحرية هاد الحق يلي مافيكن تفتحوا تمكن فيه لانو اختوها وزيادة لدرجة انكم خرجتوا عن السيطرة يعني صار الاخ الشب ما بيسترجي يحكي مع اختو أي كلمة منشان اللبس لانو هي حرية والبنت فيها بتلبس أي شي جديد وع الموضة وفيها تلبس كنزات او خلينا نقول خيط (الله يجعلها كنزة) وبتروح عالجامعة والكل بيطلع عادي يعني مافي شي غريب بس سؤال اذا الشب لبس فانيله وعلى فكرة هو استر من كنزة البنت وراح الجامعة شو بتسوو فيه مو بتقولوا يا عيب هاد قليل الادب ومو مربى وبتصيروا تحكوا عليه وكأنو مبين شي غير لائق مع انو انتن (وهي بنون النسوة)يلي لازم تتستروا مو الشب..
انا برأيي يا شباب انتبهوا وصار لازم نطالب بحق المساواة مع المرأة ركزوا شوي ورح تكتشفوا صحة كلامي...