التطور الطبيعى للزواج

كلمه بحبك
بعد 6 أسابيع : بحبك بحبك بحبك ... بحبك
بعد 6 شهور : أه طبعا أكيد بحبك
بعد 6 سنين : ياساااااااتر! .... يعنى لو مش بحبك كنت هاتجوزك ليه ؟؟؟
بعد الشغل
بعد 6 أسابيع : حبيبتي إنا جيت من الشغل
بعد 6 شهور : إنا رجعت
بعد 6 سنين : فين الأكل يا هانم؟؟
جرس التليفون
بعد 6 أسابيع : حبيبتي في حد عايزك على التليفون
بعد 6 شهور : التليفون ده ليكي
بعد 6 سنين : ماتردي ! أنا عندي صداع
وقت الغدا
بعد 6 أسابيع : ماكنتش أعرف إن نفسك حلو في الطبخ أوى كده
بعد 6 شهور : عاملة أكل إيه النهارده ؟؟
بعد 6 سنين : بامية تاني... اووووووووف
لما تشترى فستان جديد
بعد 6 أسابيع : مبروك ياحبيبتي , هياكل منك حتة
بعد 6 شهور : انتي جبتي فستان جديد تاني ؟
بعد 6 سنين : اممم... بكام ده؟


لما يتفرجوا على التليفزيون
بعد 6 أسابيع : تحبي نشوف فيلم ايه ؟
بعد 6 شهور : ماتقلبيش المحطة الماتش جاي حالا
بعد 6 سنين : أنا رايح السينما , نامي انتي بقى



لما تعزم اصحابها
بعد 6 أسابيع : وماله أهلا بيهم في أى وقت
بعد 6 شهور : انتي كل أسبوعين هاتعزميلنا حد ؟
بعد 6 سنين : يوووووه ده مابقاش بيت ده


لما يروحو السوبر ماركت
بعد 6 أسابيع : تحبي تروحي أنهى سوبر ماركت يا حياتي
بعد 6 شهور : وماله عم أنور البقال ؟
بعد 6 سنين : انتي بتودي الأكل فين !؟؟


لما حماته تيجي علشان تزورهم
بعد 6 أسابيع : يا سلام ده البيت والعمارة والحتة كلها منورة يا طنط
بعد 6 شهور : هي أمك فاضية ماورهاش حاجة
بعد 6 سنين : نهار أسود ده .. هي أمك كل يوم تنطلنا أنا خارج ومش عارف هرجع إمتى!؟؟


لما ييجى عيد ميلادها
بعد 6 أسابيع : معلش كان نفسي أجيبهولك ألماظ
بعد 6 شهور : خدي 50 جنيه وهاتى اللي انتي عايزاه
بعد 6 سنين : مش عيد ميلادك كان السنة اللي فاتت هو كل سنة ولا إيه !؟




فى العيد
بعد 6 أسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دي .. انتي تخنتي أوي




وهى رايحة للدكتور
بعد 6 أسابيع : حبيبتي قولي لي قبلها عشان أعمل حسابي في الشغل
بعد 6 شهور : خدي مامتك ولا حد من أصحابك
بعد 6 سنين : دكتور دكتوووووووور ... مانتى زى البمب اهو


مع المولود الأول
المولود الأول : زى القمر .... شبهك
المولود الثاني : شبه أخوه
المولود الثالث : ياريت تخللي بالك المرة الجاية.


لما يجي يزورك واحد صاحبك
بعد 6 أسابيع : تقابله من ع الباب وتستضيفه بالكتير ربع ساعة..وتنصحه إن الجواز مافيش أحسن منه
بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة..إبقى تعالى بكره..هستناك
بعد 6 سنين : تقوله ما تخليك تبيت معانا .. بجد والله


لما يزوركم حد من قرايبها ومعاه طفل صغير وشقي
بعد 6 أسابيع : لا لا براحته .. ما شاء الله ده عسل قوي ودمه خفيف
بعد 6 شهور : حاسب يا حبيبي .. إنزل من على الأنتريه
بعد 6 سنين : إنزل يا بن الـ .......